ക്വൊട്ടേഷൻ

ഇനി വാങ്ങാനൊക്കും
പളുങ്കു പാത്രത്തിലെ മിട്ടായി പോലെ,
പലഹാരക്കടയിലെ പരിപ്പുവട പോലെ,
പലചരക്കുൽ‌പ്പന്നങ്ങൾ പോലെ
ഒരു തെരുവിന്റെ മാംസ ഗന്ധം.
ജീവനറ്റ തലപ്പാവുകൾക്കിടക്കൂടെ
ഒലിച്ചൂറുന്ന ഒരു ഗ്ലാസ്സ് ചോര.
ചൂടു പോവാതെ ചൂഴ്ന്നെടുത്ത്
ഇമയൊടുങ്ങാത്തൊരിടതു കണ്ണ്.
ബജ്രംഗിയുടെയും മുത്തലിക്കിന്റെയും
കൂട്ടു കച്ചവടത്തിൽ
റെയ്ഡില്ല, ടാക്സില്ല, പൊല്ലാപ്പൊന്നുമില്ല.
നാളും നിറവുമൊത്തുവന്നാൽ
ഹോം ഡെലിവെറി ഫ്രീയായിട്ട്.